Klarer du ikkje logge deg på profilen/kontoen?

Mista tilgang til Facebook-profil?

Dersom det er Facebook-profilen kan du klikke på det som passar for deg:

1. Facebook-konto har blitt hacka
2. Facebook-konto har blitt hacka, og eg klarar ikkje å identifisere kontoen min

Dersom ingen av desse skjemaa er relevante for deg kan du forsøke å sende ein e-post til login@facebook.com. Forklar problemet og gje nok informasjon om kontoen til at Facebook finn det sannsynleg at du er han/ho du seier du er. Hugs å skrive på engelsk!

Mista tilgang til MSN- eller Hotmail-konto?

Det finst og ein spesiell prosedyre for deg som har mista tilgang til MSN- eller Hotmail-kontoen din. Før du tek til på denne prosedyren bør du finne fram til følgjande informasjon:

• Kva passord brukte du på e-postkontoen før han blei hacka?
• Kva er emna til nokon av e-postmeldingane som nyleg har blitt sendt? (helst fire stykk)
• Kva er namna på nokon av mappene som du har oppretta (dersom du har oppretta eigne mappar)?
• Kva er e-postadressa til nokon av kontaktane som du nyleg har sendt e-post til?

Dernest kan du følgjen denne framgangsmåten:

1. Gå til https://account.live.com/resetpassword.aspx
2. Vel ”Jeg tror noen andre bruker min Windows Live ID”
3. Klikk ”Tilbakestill passordet”
4. Skriv inn adressa til den hacka e-postkontoen
5. Vel ”Kundestøtte”
6. Skriv inn ei privat e-postadresse som Windows Live kan kontakte deg på. Det er viktig at denne adressa ikkje tilhøyrer andre personar, og at ho ikkje er kopla opp mot andre Windows Live-produkt.
7. Fyll ut skjemaet så presist som du kan

Om du får tilbake tilgangen kjem heilt an på om du er i stand til å gje tilstrekkeleg med opplysningar om kontoen, slik at Windows Live er sikker på at du er den du gjer deg ut for å vere.