Slik får du kontroll over Linkedin-profilen din

Slettmeg.no sin gjennomgang av LinkedIns standardinnstillingar viser at brukaranes personvern er dårlegare enn det behøver å vere. Dersom ein sjølv ikkje gjer endringar vil mellom anna desse innstillingane vere gjeldande:

• Profilen er offentleg tilgjengelig for alle (inkludert synleg i søkemotorane)
• Personlege data vert delt med tredjepartar.
• LinkedIn kan bruke namn og bilete i sosial marknadsføring.
• Ein applikasjon frå Amazon er førehandsaktivert i alle profilar

I tillegg er standardinnstillingane satt slik at ein i utgangspunktet aksepterer at LinkedIn sine mange partnarar kan sende deg invitasjonar og marknadsføringsinformasjon (for mange spam) til din private e-postadresse.

Dette kan du gjere
Personvernoppsettet til LinkedIn er svært rotete, og det er ikkje like lett å finne ut kvar ein skal gå for å endre innstillingane. For å hjelpe deg eit stykke på veg har slettmeg.no funne fram nokre av dei viktigaste lenkene du treng for å avgrense spreiinga av dine opplysningar:

• Kontroller eller rediger din personlege informasjon.
• Vel om du vil at profilen din skal vere tilgjengeleg for søkemotorar.
• Kontoroller eller rediger lista over tredjepartsprogram som har tilgang til profilen din.
• Vel om din profilinformasjon skal delast med tredjepartar.
• Vel kva for e-postar du ønskjer å motta frå LinkedIn eller andre.
• Vel om LinkedIn skal få informasjon om deg når du besøker nettsider som brukar LinkedIn-plugins.
• Vel om ditt namn og bilete skal kunne brukast av LinkedIn i sosial marknadsføring.
• Vel om tredjepartar skal få tilgang til informasjon som gjer at dei kan tilpasse reklamen.

Slette profilen?
Dersom du vil slette LinkedIn-profilen din kan du gå til vår sletteguide
.